Also available on:
Lyrics
Atamanna أتمنّى
- Lyrics and Music: Fouad Abdel Majeed
أتمنّى أن لا تتجنّى
وبظُلمكَ حُبّي تتأنّى
أظلمتَ بظُلمِك تتمادى
وبريبك عنّي تتغنّى
أوكُنتَ صدوقاً بهواكَ
زمانَ أراكَ وألقاكَ
أم كنتَ خَليّاً تتسلّى
ورنينُ قيودي أشجاكَ
من هانَ هواهُ لدى الثاني
وأراقَ الودَّ وأظماني
ولَها وسها وزها ورمى
عن قوس هوايا فأرداني
Ijani Ittisal إجاني إتّصال
- Lyrics and Music: Rabih Mroué
- Arrangement: Maarten Van Der Grinten
إجاني إتّصال، يسألني كيف الحال
عَجَقْني، خَفَقْني، ذَكّرْني بالوصال
شو هُوّي ال ذَكّرَكْ، وعْلَيي فوّقَكْ
لَوأني، فَتَلْني، وشَغَلّي هالبال
هيّاني بِنْت شاطْرة، ومِتْل الهَبلة ناطْرَة
تِغْيير، تِفْسير، تمْرُق مِيّة خاطْرة
شو هوّي ال فَوّقَكْ، وعنّي عَوّقكْ
بَسْ يبدو ما بدّو وعا قِشْرِة بَصْلِة فاطْرَة
إذا إنتْ زِهْقان، لَشو هالجَلَقان
تْبَحْبش وتْحَركِش، بِرَقْمي البِهْتان
حياتي إلك حاشية، من دونك كانت ماشية
على مَهْل، على سَهْل، والقلب مِشْ عِشْقان
Washwishni وَشْوِشْني
- Lyrics and Music: Rabih Mroué
كلِّمْني وَشْوِشْني خلّي هالخَطْ يْرنّ
غنّجْني لَعِّبني خلّي يْبَيِّن هالسِّن
رَقِّصْني حَرقِصْني بَوّسْني قَوّصْني
قنِّصْني آنِسْني خلّيني إخْوَت جِنّ
دلِّعْني ولِّعْني خلّي هالقلب يْحِنّ
سَلّيني واسيني نَسّيني عَذابي
نَيِّمْني فَيِّقْني رَجِّعْني عِزّابي
صَلّيلي إدْعيلي يخَلّيني جذّابي
إسْحَبْني واشْطُبْني من أَهْلي وْأحْزابي
عْبُطْني غْمُرْني، حْمِلني شْقِلني وخِدني
ضَهِّرني وسَهِّرني نِفْلَت ل الفَجْر يِْشِقّ
مَتّعْني وسَمّعْني قلبك كيف عم بيْدِقّ
طَرِّبلي عَرِّبلي، شَرِّقلي وغَرِّبلي
قَرِّبلي جَرِّبلي خلّي هالنَغْمة تْرِقّ
سَهِّيني لَهِّيني خَلِّيني وقِّف نِقّ
حاوِرْني شاوِرْني بلا كلّ هالمواقِفْ
وَسْوِسْني وحَسّسْني إنّو الوقتْ واقِف
أُخْطُفني هَجِّرني فَجِّرني ليش خايف
وافيني، إعْفيني، نْفيني من الطَّوايِف
عْبُطني غْمُرني، حْمِلني شْقِلني وخِدني
زْرَعْني بْعيد عن أرضْ لبنان
ما
لُبنانُ سِحرٌ وَنورْ
ورونقٌ وبَهاءْ
ومَعْقِلٌ للنُّسورْ
مُعَلّقٌ في الفَضاءْ
'Indi Ihsass عندي إحساس
- Lyrics and Music: Rabih Mroué
- Arrangement: Maarten Ornstein
عندي إحْساسْ، ما لو أساسْ
إحْساسي غَريبْ، إحْساسي مُريبْ
سَبَّب مَساسْ
شُعوري مُحَدّد، حُبّي مُلَبّد
بالغُيوم والهُموم
ما فيه شي مؤكَّد
شُعوري مُشاغِبْ، أفْكاري مَراكِبْ
عُرضَة للريحْ، بِتضَلّا تْزيحْ
دمعي مَساكِبْ
حبيبي مُلبّك، جْبينو مُجَعْلَك
قلبو ميّال، براسو موّال
وضعي مُشَرْبَك
El Shams الشمس
- Lyrics: Ethel Adnan/ Adaptation: Rabih Mroué
- Music: Rima Khcheich and Rabih Mroué
- Arrangement: Tony Overwater
الشمس طَلِّت تتمَخْتَر بالليل
يا إلهي كيف ظَهَرْ جَمال
فجأة بالاوضة وانْفَتَح الشبّاكْ
يا إلهي على هالجَمال
كيف دَخَل الاوضة وانْفَتَحِت ل بْواب
Min Bayn Thiba من بين ظِبا
- Lyrics and Music: Fouad Abdel Majeed
من بين ظِبا، ناديتُ رَشا، قد هيَّمَني
القلبُ لهُ، وأهيمُ بِهِ، مُذ جاوَبَني
القلبُ تَمنّى، والروح تَغَنّى
فَرَحاً بِرَشا في الحُبِّ وفا
حُلوُ اللَفَتاتْ، عَذبُ الكَلمات، حُسناً وبَها
يا بَدرَ دُجى، نوراً وسَنا، أهْواكَ أنا
القلبُ تَمَنّى، والروحُ تَغَنّى
فَرَحاً بِرَشا في الحُبِّ وَفا
Wayn Ma Kan وين ما كان
- Lyrics and Music: Rabih Mroué
- Arrangement: Maarten Ornstein
وين ما كان فيه وْرودْ، فيه جْرودْ، فيه جْبالْ فيه تْلال فيه حْدود
وين ما كان فيه دْروب، فيه هْروب، فيه رْصاصْ فيه قْواصْ فيه حْروب
وين ما كان فيه وْعود، فيه جْدود، فيه حُمر فيه بيضْ فيه سود
وين ما كان فيه شو ما كان
وين ما كان فيه مين ما كان
إلا وَجَعي يا حبيبي
وحْدو بْجِسمي مَوْجود
وين ما كان فيه قْرود، فيه دود، فيه طيْر غِزْلان وأسود
وين ما كان فيه فَقْش، فيه طَقْش، فيه يأس فيه زْيادة ونَقْص
وين ما كان فيه حَيّ، فيه كَيّ، فيه مِشْوي مِقْلي وْنَيّ
وين ما كان فيه شو ما كان
وين ما كان فيه مين ما كان
إلا وَجَعي يا حبيبي
وحدو بْجِسْمي مَوْجود
وين ما كان فيه حْداد، فيه جْداد، فيه تار فيه نار ورْماد
وين ما كان فيه نَقّ، فيه جَقّ، فيه عَقّ فيه إي وفيه لأ
وين ما كان فيه حْشود، بارود، أمْوال أفْعال ورْدود
وين ما كان فيه شو ما كان
وين ما كان فيه مين ما كان
إلا وَجَعي يا حبيبي
وحدو بْجِسْمي مَوْجود
W Ana Natra وأنا ناطرة
- Lyrics Ethel Adnan/ Adaptation: Rabih Mroué
- Music: Rima Khcheich and Rabih Mroué
- Arrangement: Tony Overwater
وأنا ناطْرَة
تا صير كْبيرة
فَجْأة الغَرام انْفَجَر عا بْلاط الخَريفْ
وصابِتْني شَظايا الحُب، صابِتني بالصَّميمْ
آه عالحُب
شَيطان الرَّصيفْ
هالحُب شو شيطانْ
كان واخْتَفى
Wa'ti Assir/My Heart Belongs to Daddy وقْتي قَصير
- Lyrics: Rabih Mroué
- Music: Cole Porter (My heart belongs to Daddy)
وقْتي قَصير، بْحبّ العَصير، شو بَدّو يْصير بِحياتي
لمّا رَح روح لَعِنْدَك وبوحْ بِ سِرِّي وقِلَّك حياتي
جِسْمي نَحيف وْدَمِّي خَفيف، بْتِسألْني كيف هِيي حياتي
قلبي بيْسوح لِمِّن بِيْفوح عَبير حُبّي وحياتي
إنتَ عْيوني جْفوني إنتَ حياتي
إنتَ حُبّي اللي مِش رح بيْموت
إنتَ لَيْلي ونْهاراتي
إنتَ لَوز ومَوز وعصير التّوت
إنتَ خيّي بيّي إنتَ آهاتي
إنتَ عُمري اللي عِشْتو بْبَيروت
غْناني ورَدّياتي وْراحة وسْكوت
جِسْمي لَبّيس، بوصَل لَقّيس، بْشو بدّي قيسا لَ حياتي
بْقيسا بالطّول ولّا بْمَكْيول، ما هُوّي هُوّي حياتي
بِعْجُن عَجين، بَعْمِل ريجيم، قلّي لَمين هيّى حياتي
ما هوّي بالروح وْوَين ما بْروح لَمْبَة تْنَوّر حياتي
إنتَ عْيوني جْفوني إنتَ حياتي
إنتَ حُبّي اللي مِش رح بيْموت
إنتَ لَيْلي ونْهاراتي
إنتَ لَوز ومَوز وعصير التّوت
إنتَ خيّي بيّي إنتَ آهاتي
إنتَ عُمري اللي عِشْتو بْبَيروت
غْناني ورَدّياتي وْراحة وسْكوت
Ma Fik T’oud ما فيك تعود
- Lyrics and Music: Rabih Mroué
- Arrangement: Maarten Ornstein
ما لحِقْت لاقيكْ، أوعى تْضيع مِنِّي
بْحاكيك مَشْغول، وبْعيد عَنّي
بِتقول بِأيلول
واعِدني تْعود بأيلول، وأيلول يْضيع بكانون
والوقت يْطول
ووْعود تْصير مَيِّة نَهْر، كِلّو قَهْر، راح العُمر
بْحاكيك عَحالي بْردّ
طالِع عا بالي إنت تْرِدّ، عْلَيي تْردّ، إنت تردّ، ردّ
ما لْحِقْت إني لْقيتَك ليش تْضيع، ما فيك تْضيع
ما عْرِفْت كيف حْكيتَك كيف تْروح، ما فيك تروح
ما شْبِعت شوف وِجّك كيف تغيب، ما فيك تغيب
ما تْعِبْت من قَعْداتك، ما فيك تْفِلّ
ما عْرِفْت كيف مْحيتَك ليش رجِعْت، ما فيك رجِعْت
ما فْهِمت كيف نْسيتَك كيف تْعود، ما فيك تعود
Omar El Khayyam عُمر الخيّام
- Lyrics: Ethel Adnan/Adaptation: Rabih Mroué
- Music: Rima Khcheich and Rabih Mroué
- Arrangement: Tony Overwater
عُمَرْ الخيّام عَزَمْني عا كاس
تا شاركو نْبيداتو
تَرَكْت صْيام وشارَكْتو كاس وحِدْتو وأحْزانو
بُكرا رَح إرجَع شوفو
بالأرض يللي صارا
Lahin Wa Khaliyyou El Bal لاهٍ وخَليُّ البال
- Lyrics and Music: Fouad Abdel Majeed
لاهٍ وخلّيُ البال
بالفِتنَةِ يَسبُرُ أغواري
ما أدري لهُ من حال
وأُقاومُ جذبَ التيّار
قلبي رغمي يَهواهْ
نَغَمٌ يَنسابُ بأفكاري
وأنا ما أُطيقُ هواهْ
أو أُحسِنُ ألعَبُ بالنارِ
Ta’a Bous تعا بوس
- Lyrics and Music: Rabih Mroué
- Arrangement: Maarten Van Der Grinten
تعا بوس، نِنْسى اللي مَضى ونْبوس
مَيئوس، الوَضْع بْهالبَلَد مَيئوس
شي بْروس، شي بلا روس هالدِّني، شو بِني
عم حُوصْ وعم حِسّ إنِّي مَحْبوس
مَفْقوس، الحالِة لَوَرا مَفْقوس
تعا شوف وْلا تْشوف عَيْنَك شو جَرى، ما تْشوف
فيه خُوف، إي فيه خوف، والحكي انْبَرى مَخْطوف ومَعْكوف
فيه أوف، لا ما فيه أوف بْهالغِنا
شو بِنا، لا سَمَعْ ولا عَيْن عم بِتْشُوف
كَتاسْتروف، فيه بلد انْتَسى، مَحْذوف ومَأسُوف
مَحْبوس، ما بِنْسى اللي مَضَى، عَمْ نوص
مَهْووس، بْحُبّي لإلَك، ف تَعا بوس
Hal Helou هالحلو المحبوب
- Lyrics: Rabih Mroué
- Music: Rima Khcheich and Rabih Mroué
- Arrangement: Maarten Van Der Grinten
هالحِلو المَحْبوبْ مِشْ حا يْثورْ
ما عندو حِيلْ، ولا فاضي البالْ، ولا عندو مَيْل
إنو يواجِه أعداؤه، ولا زُعران الحيّ الغَربي ال لاطينلو
ما بدّو يْثورْ
هالحِلو المَحْبوبْ أخَدْ حْبوبْ
قَصدي بَلَع حْبوبْ
ولِكْ سَفَق حْبوبْ
تا يِغْفا الليل ويِصْفا البال وما يْشوف الويلْ
ويكِشّ برّا أعداؤه
ويِنْسى وْلاد الحَيّ الغَربي ال قاهْرينو
ما بدّو يثُورْ
Ktab كْتَابْ
- Lyrics: Ethel Adnan / Rabih Mroué
- Music: Rabih Mroué
- Arrangement: Maarten Van Der Grinten
مِنْسَكّر كتاب
متل ما مَنْسَكِّر عا حالنا شي بابْ
من بْواب الحَياة
بِشَهر نيسان
ذِكرى عم تِكْبَرْ وتْزَهِّر نِسْيان وإنسان
عم يِخْلَق من جْديد
مِشْوار الحَيَاة
طالِع نازِل سَلالِم وحَيّات، جْهنَّم وجَنَّات
وبالآخِر مَمَات
Musicians
- Clarinet: Maarten Ornstein
- Guitar and Guitalel: Maarten Van Der Grinten
- Double Bass and Violone: Tony Overwater
- Cajón/ Frame Drums/ Riq/ Tambourine / Gome/ Cymbals and effect percussion: Ruven Ruppik
- Trumpet and Flugelhorn: Angelo Verploegen
- Dudok String Quartet: Judith Van Driel-Violin, Marleen Wester-Violin, Lotte De Vries-Viola, David Faber-Cello
